په هرات کې دګوزڼ د واکسين پيل

کابل باختردکب دمياشتې٢٢ نيټه : د هرات ولايت په کوه زور ولسوالۍ کې دماشومانو دګوزڼ د واکسين کمپاين پيل شو. په دې کمپاين کې به له پنځه کلنۍ څخه ښکته په زرګونو ماشومان د وژونکي ناروغيو په وړاندې واکسين کيږي. د هرات ولايت دکوه زور ولسوال حکمت الله حکمت وايي د واکسين کوونکو د امنيت د تامينولو په خاطر لازم تدبيرونه نيول شوي دي . ده د دغه پروګرام دتطبيقولو په خاطر دخلکوله همکارۍ څخه يادونه وکړه. دا په داسې حال کې ده چې د ګوزڼ د واکسين سراسري کمپاين پرون په هرات ولايت کې پيل شو خو د دغه پروګرام د تخنيکي ستونزو له مخې په زور ولسوالۍ کې د يوې ورځې په ځنډيدو سره پيل شو. په دې کمپاين کې دماشومانو دګوزڼ دناروغۍ په وړاندې څه ناڅه اووه سوه زره ماشومان واکسين کيږي اوله شپږو مياشتو څخه ښکته پنځه سوه تنو ماشومانو ته ويتامين اې څاڅکي هم ورکول کيږي.پاى ع ذ