په هرات کې دوه تنه د نشه يي توکو د قاچاقو په تور ونيول شول
کابل/ د وري٩ مه / باختر
د هرات امنيتي منسوبینو دوه تنه په دغه ولايت کې د نشه يي توکو د پلور او قاچاقو په تور نیولي دي.
د هرات يوې امنيتې سرچېنې باخترآژانس ته وویل چې دغو قاچاق وړونکو غوښتل دغه نشه يي توکي يو نامعلوم ځاى ته وليږدوي چې د هرات ښارد امنيتي ځواکونو د پلټنې په پوسته کې ونيول شول.
د خبرځاى د څرګندونوله مخې له نيول شويو کسانو څخه ٥ کيلو ګرامه نشه يي توکي ترلاسه شوي دي.
د يوبل خبرله مخې: د هرات امنيتي منسوبانو پرون يو تن د هرات ولايت د اوولسمې امنيتي حوزې له مربوطاتو څخه د وسله والو غلاو په تور ونيوه.
له نيول شوي کس څخه يوه تومانچه او يوه اندازه نغدې پېسې هم ترلاسه شوي دي.
پېښه تر څيړنې لاندې ده.
\ ذ
