کابل باختر د ثور اوومه :
امنيتي منسوبينو په هرات ښار کې د کابو شلو کيلوګرامو نشه يي توکو دکشف خبر ورکړ .
کابو شل کيلوګرامه هيرويېن ډوله نشه يي توکي چې د هرات ښار د پنځمې ناحيې په مربوطاتو کې په يوه کور کې ساتل کېدل د هرات ولايت د امنيې قوماندانۍ د نشه يي توکو پرخلاف د مبارزې د مديريت دکارکوونکو له خوا کشف او ترلاسه شول .
که څه هم د دغې پېښې په اړوند څوک نه دي نيول شوي خو د هرات د والي وياند جيلاني فرهاد وايي چې عاملين يې پيژندل شوي او ډير ژر به ونيول شي .
ختم- عطاالله _اکرم
