په هرات ولايت کې د فوټبال د دويم لاس غوره ليګ سياليو دوام وکړ
کابل – باختر دلړم دمياشتې ٤
په هرات ولايت کې دفوټبال د دويم لاس سياليو نن سهار په يوې لوبې سره دوام وموند.
د هرات ولايت د ورزشي آمريت مرستيال ضيا الحق ضيا د باختر آژانس خبريال ته وويل: په دې لوبه کې د ابومسلم او د پيروزي ټيمونو سيالي وکړه چې د ابومسلم ټيم د صفر په وړاندې په څلورو سره دپيروزي ټيم ته ماتې ورکړه.
دغه سيالۍ د دولسو ټيمونو ترمنځ په هرات ولايت کې پيل شوې دي.
ديوبل خبرله مخې : په هرات ولايت کې د فوټبال دغوره ليګ د بيرته تګ سياليو پرون مازيګر په يوې لوبې سره دوام وموند.
باختر آژانس ته د هرات ولايت د ورزشي آمريت د مرستيال ضيا الحق ضيا د څرګندونو له مخې : په دې لوبه کې د انصاري ټيم د يوې په وړاندې په دريو سره د آمو ټيم ته ماتې ورکړه.
دغه سيالۍ د اتو ټيمونو ترمنځ په هرات ولايت کې پيل شوې دي چې په دوام يې نن د اتفاق او بيګ بېر ټيمونه لوبه وکړي.
