په هرات ولايت کې د فوټبال دغوره ليګ سيالۍ پيليږي
کابل باخترد ثور دمياشتې ٤ :
دهرات دغوره ليګ د اتلوالى سيالۍ سبا په دغه ولايت کې پيليږي.
دهرات ولايت د ورزشي آمريت مرستيال ضياالحق ضيا باخترآژانس ته وويل: دغه سيالۍ د اداري فساد پرخلاف د مبارزې ترعنوان لاندې د پنځلسو ورځولپاره پيليږي او په هغو کې به په دوو څلور ټيمي ګروپونوکې اته ټيمونه سيالۍ وکړي.
دضيا دڅرګندونوله مخې: په الف ګروپ کې دکهستان ، افغان ، اتفاق او ابومسلم ټيمونه او په بي ګروپ کې دکهسان ، دپوهنې داستقلال ، انصاري او جامي ټيمونه سيالۍ وکړي.
