په هرات ولايت کې د آزادو ټيمونو سيالۍ پيل شوې .
کابل – باختر د وږي دمياشتې ٢٤
دهرات ولايت د غوره کلپونو د واليبال سيالۍ پرون مازيګر په دوو لوبو سره پيل شوې .
دهرات ولايت دورزشي آمريت مرستيال ضيا الحق ضيا باختر اژانس ته وويل :
په دغو سياليو کې لومړى دالسادات ټيم د يوې په مقابل کې په دريو سره دارمان پرټيم بريالى شو .
او په دويمه لوبه کې د وګړنيو پوليسو دآريا ټيم دصفر په مقابل کې په دريو سره د برادران پر ټيم بريالي شو .
دغه سيالۍ په ورزشي جمنازيوم کې ددغه ولايت دپنځو ټيمونو ترمنځ دتګ راتګ په ډول پيل شوي دي چې شل ورځې به دوام وکړي.
ضيا زياته کړه ، د دغو سياليو په دوام ټاکل شوې ده نن د تابان او آرمان ټيمونه لوبه وکړي.
