په هرات ولايت کې دفوټبال سياليو په يوې لوبې سره دوام وکړ
کابل باختردسلواغې دمياشتې ٧ :
په هرات ولايت کې دفوټبال دحذفي جام سياليو پرون مازيګر په يوې لوبې سره دوام وکړ.
دهرات ولايت دورزشي امريت مرستيال ضياالحق ضيا باختراژانس ته وويل په دې لوبه کې داتفاق ټيم دپنالتي په ګوزارونو سره دڅلورو په مقابل کې په پنځوسره دبيګ بير ټيم ته ماتې ورکړه دغه سيالۍ دشپاړلسو ټيمونو ترمنځ پيل شوي دي .ديوبل خبرله مخې ،په هرات ولايت کې دماشومانو اوتنکيو ځوانانو دفوټبال سياليو پرون مازيګر په اتو لوبو سره دوام وموند.
دهرات ولايت دورزشي امريت مرستيال ضياالحق ضيا باختر اژانس ته وويل دماشومانو په لوبه کې دنوايى ټيم ديوې په مقابل کې په يوې سره پيمان له ټيم سره لوبه برابره پاى ته ورسوله ، داستقلال ټيم دصفر په مقابل کې په يوې سره دهېواد پرټيم ،دازادي ټيم دصفر په مقابل کې په دريو سره دبيګ بير پرټيم بريالي شول . اودامو او انصاري ټيمونو لوبه ديوې په مقابل کې په يوې سره برابره پاى ته ورسوله .دغه سيالۍ دڅلرويشتو ټيمونو ترمنځ پيل شوي دي .
دغه راز دتنکيو ځوانانو په سياليو کې دخراسان ټيم دصفر په مقابل کې په يوې سره دانصاري ټيم ته ماتې ورکړه.دپيمان ټيم ديوې په مقابل کې په دوو سره دپيروزي پرټيم بريالي شو. د جامي او کوثر ټيمونو لوبه ديوې په مقابل کې په يوې سره برابره پاى ته ورسوله.دتنکيو ځوانانو سيالۍ دشپږويشتو ټيمونو ترمنځ په هرات ولايت کې پيل شوي دي .
