کابل باختر د لړم لسمه :
په نيمروز ولايت کې په يوه صراف ډزې وشوې .
دنيمروز ولايت دامنيې قوماندانۍ دجنايي جرمونوپرخلاف دمبارزې مدير حاجي عبدالله شيرزي دباختراژانس خبريال ته وويل په دغه صراف په زرنج ښار کې دناپيژاندو کسانو له خوا دتومانچې ډزې شوې دي .
يوه اړونده خبرځاى وويل دپيښې ټپي دزرنج روغتون ته ليږدول شوى او روغتيايي حالت يې مخ په ښه والي بلل شوى دى .
ده وويل چې تراوسه پورې په دې اړوند څوک نه دى نيول شوى او دپيښې دعامل ياعاملينو دنيولو لپاره پلټنې پيل شوي دي .
