په نورستان کې د پنځه تنه پاکستاني ډار اچوونکو وژل کيدل

کابل باختر دوري  ديارلسمه :
د وسله والو طالبانو د ډلې پورې  اړوند  پنځه  پاکستاني  ډار اچوونکي په  نورستان ولايت کې له پوځيانو سره په نښته کې ووژل شول .
د هېوادپه ختيځ  کې د ملي اردو يوه جګپوړي قوماندان باختراژانس ته وويل  چې په دې بريدکې پنځه تنه پاکستاني  يرغلګر وژل شوي دي .
په يوبل خبر کې ويل شوي دي  چې امنيتي مامورانو  نن سهار په نورستان ولايت کې  ديولړ چاودنې مخه ونيوله .
امنيتي  مامورانو نن سهار  درې ماينونه  د دغه ولايت په ګڼ ميشتو لارو کې کشف او شنډ کړل .
دوى وسله وال طالبان د دغو ماينونو  د ښخولو عاملين بولي .
طالبان په افغانستان کې په ګڼ ميشتو لارو کې د ماينونو اوبمونو  په  ښخولو لاس پورې کوي  چې له امله يې زياتره  ملکي وګړي قرباني کيږي .
ختم _ ج  _ اکرم