په نورستان کې دڅلورو تنو تروريستانو وژل کيدل .
کابل باختر د زمري اته ويشتمه :
څلور تنه نور تروريستان په نورستان ولايت کې له افغان پوځيانو سره په نښته کې ووژل شول .
په دغو تروريستانو نن سهار په وايګل ولسوالۍ کې هغه وخت دپوځيانو له خوا ډزې وشوې چې غوښتل يې دسرتيرو دسپرلۍ په کاروان بريد وکړي .
دافغانستان په ختيځ کې دسرحدي پوليسو يوه جګپوړي قوماندان دباختراژانس خبريال ته وويل چې په دې جګړه کې ديوه پاکستاني په ګډون څلور تنه تروريستان ووژل شول .
ده وويل يرغلګر مخکې له دې چې دپوځيانو دسپرلۍ په کاروان بريد وکړي ددغو پوځيانو په ډزو کې ووژل شول .
ويل کيږي چې په دغو نويو نښتو کې سرتيرو او پوځيانو ته زيان نه دى اوښتى .
