جلال اباد باختر د وږي ۷ مه
د ننګرهار ولایت د خوږیاڼیو ولسوالۍ د وزیرو تنګي په سیمه کې اووه تنه داعشیان وژل شوي دي.
د ۲۰۱ سیلاب قول اردو باختر اژانس ته په لېږدول شوې خبرپاڼه کې ويلې دي چې،تېره ورځ بې پیلوټه الوتکې د وزیرو د تنګي په سیمه کې بریدونه کړي دي.
سرچینه زیاتوي چې په ترسره شویو بریدونو کې اووه تنه داعشیان وژل شوي دي.
د یادونې وړ ده چې څو ورځې وړاندې هم د وزیرو تنګي په سیمه کې په افغانستان کې د داعش د ډلې د مشر ابو سعید ارهابي په ګډون څوارلس تنه داعشیان وژل شوي وو. پای/وصال
