په ننګرهار کې کوکنار واړول شول.
کابل باختر د وري اتلسمه :
په ننګرهار ولايت کې د کمپاين په دوام په سلګونه جريبه ځمکه کې کرل شوي کوکنار واړول شول .
دغه کمپاين د امنيتي ځواکونو په همکارۍ د سيمه ئيزو مسوولينو له خوا د دغه ولايت په ځينو سيموکې ترسره شو .
د ننګرهار د والي وياند عطاءالله خوږياني باختراژانس ته وويل چې د دغه کمپاين په دوام د نازيانو ، غني خيلو ، خوږياڼيو او د شينوارو په ولسواليو کې په سلګونه جريبه ځمکه کې کرل شوي کوکنار واړول شول .
ده هغو بزګرانو ته چې دکوکنارو په کرکيله لاس پورې کوي خبر دارى ورکړ که چيرې خپل دغه کار ته دوام ورکړي له قانوني چلند سره به مخامخ شي .
