په ننګرهار کې ١٢ تنه داعشيان ووژل شول .
کابل باختر دوري اوومه
دداعشيانو دډلې ١٢ تنه غړي تيره شپه دهېواد په ختيځ کې دځانګړو ځواکونو په نويو بريدونوکې ووژل شول .
دهېواد په ختيځ کې دسيلاب قول اردو يوه جګپوړي قوماندان باختراژانس ته خبرورکړ چې په نويو بريدونوکې ١٢ تنه داعشيان ووژل شول .
ده وويل په دغو داعشيانو دروداتو، دربابا ، هسکې مينې او دخوږياڼيودولسواليو په ځينو سيمو بريدونه شوي دي .
درارسيدلو خبرونوله مخې ، په دغوهوايي او ځمکنيو بريدونوکې دداعشيانو مرکزونه او پټنځي هم ويجاړ شوي دي .
په يوبل خبر کې ويل شوي دي امنيتي مامورانو نن سهار څلور ماينونه دننګرهار ولايت په ګن ميشتو لاروکې کشف او شنډ کړل .
ددغو ماينونو دښخولو په اړوند څوک نه دى نيول شوى
ديوبل خبرله مخې، په ننګرهار ولايت کې پوځيان د وسلو اومهماتو ديوه ډيپوپه کشفولو بريالي شول .
له دغه ډيپو څخه چې دجلال اباد ښار ته څيرمه کشف شوه يوشمير سپکې او درندې وسلې ترلاسه شوي دي .
