کابل / دليندې ٧مه /باختر :
داوبو رسولو ديوې شبکې په جوړولو سره په ننګرهار کې سلګونو کورنيو ته دڅښاک اوبه برابرې شوې .
دغه شبکه له لمريزې انرژى څخه په ګټې اخستنې سره ، دسره رود ولسوالۍ په شيخ مصري ښارګوټي کې دغو کورنيو ته اوبه رسوي .
دننګرهار دکليو دبيا رغاونې او پرمختيا رييس امان الله مياخيل باختراژانس ته وويل چې داوبو رسولو ددغې شبکې په جوړولو دوه نيم ميليونه افغانۍ لګيدلي دي.
په ننګرهار کې د شيخ مصري ښارګوټي اوسيدونکو داوبو رسولو ددغې شبکې دجوړولو هرکلى وکړ .
دغوکورنيو تراوسه پورې غير روغتيايي اوبه کارولې .
ختم_ ف _اکرم
