_کابل باختر دثور نهمه
د داعشيانو د ډلې ٢٢ تنه غړي د هېواد په ختيځ کې د ځانګړو ځواکونو په نويو بريدونوکې ووژل شول .
په دغو داعشيانو تېره شپه د ننګرهار ولايت په ځينو سيمو کې هوايي اوځمکني بريدونه شوي دي .
د هېواد په ختيځ کې د ٢٠١سيلاب قول اردو يوه قوماندان باختراژانس ته خبرورکړ چې، په نويو بريدونوکې ٢٢ تنه داعشيان ووژل شول .
ده وويل: په دغو داعشيانو د ننګرهار ولايت د دربابا ، هسکې مينې ، اچين او د خوږياڼيو د ولسواليو په مربوطاتو کې د دوى په سنګرونو کې بريدونه شوي دي
د رارسيدلو خبرونوله مخې؛ په دغو هوايي او ځمکنيو بريدونوکې د داعشيانو څومرکزونه او پټنځي هم له ټولو جنګي وسايلو سره يې دړې وړې شوي دي .
په يوبل خبر کې ويل شوي دي چې، پوځيانوپه ننګرهار کې د يولړ چاودنو د ترسره کولو لپاره د طالبانو طرحه ناکامه کړه .
امنيتي مامورانو نن سهار د ننګرهار ولايت په ګڼ ميشتو لارو کې څلور ماينونه کشف او شنډ کړل .
د دغو ماينونو د ښخولو په اړوند څوک نه دي نيول شوي
په يوبل خبر کې ويل شوي دي چې پوځيان د ننګرهار ولايت په مرکز جلال اباد ښار کې د ډار اچوونکو د جنګي وسايلود يوه ډيپو په کشفولو بريالي شوي دي
په دې ډيپو کې يوه اندازه سپک او درانده جنګي وسايل هم ترلاسه شوي دي .
سيمه يېز مقامات وايي چې داعشيانو د دغه ډيپو له وسلو اومهماتو څخه په خپلو ډار اچوونکو بريدونوکې استفاده کوله . ختم_ج_ اکرم
