په ننګرهار کې د سلګونو جریبه کرنیزې ځمکې د اړتیا اوبه برابرې شوې
جلال اباد / د غبرګولي / ۳۱/ باختر
د اوبو د یوکانال په جوړېدو سره په ننګرهار کې د سلګونو جریبه کرنیزې ځمکې د اړتیا اوبه برابرې شوې .
دغه کانال ٤٠٠ متره اوږدوالی لري او د غره له لمنې د چشمې له اوبو د خوږیاڼیو په ولسوالۍ کې کروندو ته رسوي .
د کلیو د بیا رغونې او پراختیا وزارت د یوې خبرپاڼې په خپرولو سره ویلي دي چې دغه کانال د ٤ ميلیونو افغانیو په لګښت جوړ شوی دی.
دغه وزارت وایی د دغه کانال په ګټې اخیستنې سره د خوږیاڼیو ولسوالۍ د بزګرانو د ٥٥٠ جریبه کرنیزې ځمکې اوبه برابرېږي .
بزګران له دې چې د اړتیا وړ اوبو ته لاس رسی مومي خوشحاله دي او وایی چې د کافي اوبو شتون د دوی د کرکیلې او کار د سمون سبب کېږي .
پای / سعیده
