جلال اباد باختر د زمري ۲۰ مه
د ننګرهار ولایت د نازیانو ولسوالۍ په دوه خوله سیمه کې دوه تنه داعشیان وژل شوي دي.
چارواکي وايي چې دغه داعشیان تېره ورځ د بې پيلوټه الوتکې په برید کې وژل شوي دي.
د ۲۰۱ سیلاب قول اردو څخه باختر اژانس ته په رالېږل شوې خبر پاڼه کې ویل شوي په ترسره شوي برید کې ملکي وګړو ته زیان نه دی اوښتی.
د یو بل خبر له مخې ، د ننګرهار ولایت د اچین ولسوالۍ د بټن په سیمه کې درې تنه د ماین جوړونې او یو تن له ماینونو سره یو ځای نیول شوی دی.
امنیتي مسوولین وايي چې دغه کسان د افغان ځواکونو د چاڼیزو عملیاتو په ترڅ کې نیول شوي دي.
سرچینه زیاتوي چې په دغو عملیاتو کې شپږ تنه نور شکمن کسان هم نیول شوي دي چې دا مهال تر پوښتنو لاندې دي.پای/وصال
