په ننګرهار کې دوه ويشت تنه داعشيان ووژل شول.

کابل باختر دغويي دمياشتې ٨ نيټه :
د داعشيانو د ډلې   دوه ويشت  تنه غړي د هېواد په ختيځ کې د ځانګړو  ځواکونو په نويو بريدونوکې ووژل شول .
په دغو داعشيانو  د ننګرهار ولايت په ځينو سيمو کې  هوايي اوځمکني بريدونه شوي دي .
د هېواد په ختيځ کې د ٢٠١سيلاب قول اردو يوه قوماندان  باختراژانس ته خبرورکړ چې، په نويو بريدونوکې  ٢٢ تنه داعشيان  ووژل شول .
ده وويل: په دغو داعشيانو د ننګرهار ولايت دکوټ ، هسکې مېنې او اچين د ولسواليو  په مربوطاتو کې د دوى په سنګرونو کې  بريدونه  شوي دي.
د رارسيدلو خبرونوله مخې؛په دغو ځمکنيو او هوايي  بريدونوکې د داعش د ډلې  څومرکزونه او پټنځي هم له ټولو جنګي وسايلو سره يې له منځه وړل  شوي دي . 
په يوبل خبر کې ويل شوي دي چې، افغان پوځيانو په ننګرهار کې  د وسله والو طالبانو د يولړ چاودنو د ترسره کولو طرحه ناکامه کړې ده .
امنيتي مامورانو د ننګرهار ولايت په ګڼ ميشتو لارو کې شپږ ماينونه کشف او شنډ کړل .
د دغو ماينونو د ښخولو په اړوند څوک نه دي نيول شوي. 
پاى ذکرالله