کابل باختر د لړم نولسمه
دداعش دډلې يوولس تنه غړي په ننګرهار ولايت کې دهوايي بريد له امله ووژل شول .
په دغو داعشيانو نن له غرمې وروسته په اچين ولسوالۍ کې ددوى په پټنځي کې بريدوشو .
دهېواد په ختيځ کې دپوليسو يوه جګپوړي قوماندان دباختراژانس خبريال ته وويل چې په دې هوايي بريد کې دداعش دډلې يوولس تنه غړي ووژل شول .
ده وويل دغه داعشيان په خپل پټنځي کې ديولړ ډار اچوونکو بريدونوپه پلان جوړولو بوخت و چې بريد پرې وشو .
ويل کيږي چې په دې هوايي بريد کې ملکي وګړو ته زيان نه دى اوښتى .
