په ننګرهار کې دنيکمرغه کوچنى اختر په ورځ ديوې چاودنې دترسره کولو لپاره دطالبانو ناکامه طرحه .

-کابل باختر دغبرګولې  اوولسمه :
دنيکمرغه کوچني اختر په ورځ  دننګرهار په ولايت کې  ديوې چاودنې دترسره کولو لپاره  دطالبانو طرحه  ناکامه شوه .
امنيتي مامورانو نن سهار  دننګرهار ولايت د چپرهار ولسوالۍ په لاره کې  يوبم  کشف اوشنډ  کړل .
دغه بم په هغې لاره کې  ځاى پرځاى کړى شوي و ،  چې هره ګړۍ  دلسګونو تنو کليوالي اوسيدونکو  دتګ راتګ  ډګر دى .
دننګرهار دوالي وياند عطاالله خوږياڼي  باختراژانس ته وويل چې دغه بم  د امنيتي مامورانو له خوا  دکليوالي اوسيدونکو په همکارى  کشف شو .
ده  وسله وال طالبان ددغه ناکام بمي بريد  عاملين وبلل او ويې ويل  چې ددغه ناوړه تروريستي  نيت دعاملانو  دپيژندنې او نيونې لپاره  هلې ځلې دوام لري .
ختم _  ف _ اکرم