په ننګرهار کې درې تنه ډار اچوونکي ونيول شول .
کابل باختر د وري دويمه :
په ننګرهار ولايت کې دسيلاب ١٤ په نامه دګډو محاربوي عملياتو په بهير کې درې تنه ډار اچوونکي ونيول شول .
دملي دفاع وزارت مطبوعاتي دفتر باختراژانس ته خبرورکړ د ٢٠١ سيلاب قول اردو د څلورمې پلې لوا منسوبانو ، د لومړى لمبر سرحدي لوا ،ملي پوليسو او د ملي امنيت له ځواکونو سره په همغږۍ کې د لازيات امنيت دټينګښت ، ښې حکومتوالى او د وکړنيو پاڅونونو دملاتړ په موخه د ٢٠١ سيلاب قول اردو دڅلورمې پلې لوا دقوماندانۍ په مشرۍ دننګرهار ولايت دګوشتې ولسوالۍ په مربوطاتو کې دسيلاب – ١٤ په نامه ګډ محاربوي عمليات پيل کړي او لا هم په برياليتوب سره دوام لري .
د دغو عملياتو په بهير کې پرون د ننګرهار ولايت دبټي کوټ ولسوالۍ په مربوطاتو کې درې تنه ډار اچوونکي له يوې ويکسار ډوله واسطې او دوو کلاشينکوفونو سره ونيول شول .
په خبر کې ويل شوي دي چې د دغو عملياتو په بهير کې دفاعي او امنيتي ځواکونو اوملکي وګړو ته زيان نه دى اوښتى . ختم_ عطاالله _ اکرم
