کابل باختر د کب لسمه :
دکاپيسا ولايت په نجراب ولسوالۍ کې تېره شپه د چسپکي ماين د چاودنې له امله څلورتنه ټپيان شول.
دغه چاودنه دکاپيسا ولايت دنجراب ولسوالۍ د دره غوث په سيمه کې هغه وخت وشوه چې دغه ماين په مهارت سره د استوګنې د يوه کور په دروازه کې ځاى پرځاى کړى شوى و.
دکاپيسا ولايت دنجراب ولسوالۍ يوه سيمه ئيز اوسيدونکي باخترآژانس ته وويل چې دچسپکي ماين د چاودنې له امله ديوې کورنۍ څلورغړي ټپيان شوي دي. خو امنيتي مقاماتو تراوسه پورې په دې اړوند نظر نه دى څرګند کړى.
