کابل / باختر د تلې دمياشتې ٢١ :
په ميدان وردګو ولايت کې ښځو ته يو تفريحي پارک جوړ شو.
دغه پارک د ښاروالۍ له خوا ددغه ولايت په مرکز ميدان ښارکې د ١١ زره مربع متره ځمکې په ساحه کې جوړ شوى دى. شنې ساحې، څوکۍ، رستورانت، د اوبو ډنډ او ډولي څراغونونو ددغه پارک ښکلا زياته کړې ده .
د ميدان وردګو ولايت دښځو د چارو رئيسې وحيدې شکلي د باختر آژانس خبريال ته وويل: دغه پارک دميدان ښار د ښاروالۍ له بودجې څخه دڅه دپاسه ٩ مليونو ٣٠٠ زرو افغانيو په لګښت جوړشوى دى.
د ميدان وردګو والي حيات الله حيات دښځو ددغه ځانګړي تفريحي پارک جوړول ښځو او نجونو ته دتفريحي مناسبې فضا د رامنځته کولو په لاره کې مهم ګام وباله .
