په لوګر کې دسيرت النبي سيايلي پاى ته ورسيده .
کابل باختر دغبرګولي ديارلسمه : دسيرت النبي هغه سيالۍ چې دلوګر ولايت داطﻻعاتو اوفرهنګ رياست له خوا پيل شوې وه پرون پاى ته ورسيده . په هغې غونډه کې چې په همدې مناسبت دلوګر ولايت دمرکز پل علم په ښار کې جوړه شوې وه د لوګر دولايتي شورا رييس دروژې دمبارکې مياشتې دفضيلتونو او دسيرت النبي دسيالۍ په باب خبرې وکړې او په دې سيالي کې له برخه والو ځوانانو څخه يې وغوښتل چې سيرت النبي (ص ) دخپل ژوندانه په ټولو برخو کې تطبيق کړي . په دې غونډه کې دلوګر ولايت مرستيال او داطلاعاتو اوفرهنګ رييس او دپل علم ښاروال دښوونځيو دزده کوونکو لپاره دغه شان سيالۍ ګټورې وبللې او ويې ويل چې ددغه شان پروګرامونو پلې کول دبرياليتوب په لور دځوانانو دلارښوونې سبب کېږي . په پاى کې برابرې شوې جايزې او سوغاتونه دسيالي په ګټوونکو وويشل شول . ختم_ عطاالله _ اکرم
