په لغمان کې لس تنه ډار اچوونکي ووژل شول

کابل باختردکب دمياشتې٢٣ نيټه :
لس تنه ډار اچوونکي  په لغمان ولايت کې دعملياتو په بهيرکې ووژل شول.
په دغو ډاراچوونکو نن سهار د مهترلام ښار ته څيرمه او په الينګار ولسوالۍکې  د دوى په مرکزونو بريدونه وشول.
د هېواد په ختيځ کې  د سيلاب قول اردو يوه قوماندان باختر آژانس ته وويل  چې په دغو عملياتو کې اته تنه  ډار اچوونکي ووژل شول.
ده وويل ؛ ډار اچوونکي  په تروريستي فعاليتونو بوخت وو  چې بريد پرې وشو.
ديوبل خبرله مخې ؛   پوځيان د دغو عملياتو په  بهير کې بريالي شوي دي  چې   دمهترلام _ الينګارولسوالۍ دلويې لارې په دواړو خواو کې په لسګونو کلې دډاراچوونکوله  شتون څخه پاک کړي.
ويل کيږي په دغو عملياتو کې د طالبانو د جنګي وسايلو  يوه ډيپوهم د پوځيانولاسته ورغلى دى.
دهېوادپه ختيځ کې پوځي مقاما ت وايي چې دمهترلام _ الينګار په لويه لاره کې به  دبشپړ امنيت تر تامينولو پورې دطالبانو په سنګرونو خپلو بريدونو ته دوام ورکوي . پاى ج ذ