په لغمان کې د ښاروالۍ لوبډلې د والېبال سیالیو اتلولي خپله کړه
کابل / د چنګاښ لومړۍ / باختر
د لغمان په مرکز مهترلام کې د ۹ لوبډلو ترمنځ د والېبال پیل شوې سیالۍ د ښاروالۍ لوبډلې په بریا پای ته ورسېدې.
د مهترلام ښاروالۍ آمر بختيار حسين خېل وايي چې د ښاروالۍ لوبډله وتوانېدله چې په پایلوبه کې د نانکزیو لوبډلې ته ماتې ورکړي او د اتلولۍ جام په خپل نوم کړي.
حسين خېل ورزشکاران وهڅول چې د ورزش له لارې خپلې ټولنې او خلکو ته مثبت پيغامونه ورکړي.
پای/وصال
