په لغمان کې د طالبانو دوه جګپوړي قوماندانان ووژل شول
کابل / د غبرګولي ٢٩ مه / باختر
په لغمان کې له پوځيانو سره په نښته کې د وسله والو طالبانو دوه جپګوړي قوماندانان له شپږو افرادو سره يې ووژل شول.
پردغو وسله والو طالبانو نن سهار مهترلام ښار ته څېرمه او الينګارولسوالۍ کې هغه وخت له ځمکې او هوا برېدونه وشول چې د امنيتي ځواکونو پر پوستو يې برېدونه وکړل.
د لغمان د امنيې قوماندانۍ د رسنيو دفتر د يوې خبرپاڼې په خپرولو سره وايي په دغو نښتو کې د وسله والو طالبانو د دوو قوماندانانو ملا قهرمان اوملامحب په ګډون ٦ نور طالبان ووژل شول .
دغه دواړه په لغمان کې د خونړيو برېدونو عاملان بلل کېږي.
وسله والو طالبٍانو په دې اړه څه نه دي ويلي.
پاى \ ذ
