په لغمان کې د سلګونو جریبه کرنیزې ځمکې اوبه برابرې شوې
مهترلام / د چنګاښ / ۶/ باختر
د اوبورسونې د یو کانال په جوړېدو، په لغمان کې د سلګونو جریبه کرنيزې ځمکې اوبه برابرې شوې .
دغه کانال د ٨٦٠مترو په اوږدوالي، د قرغیو ولسوالۍ کروندو ته اوبه رسوي .
د کلیو د بیا رغونې او پراختیا وزارت د یوې خبر پاڼې په خپرولو سره ویلي دي چې دغه کانال د درې ميلیونو شپږ سوه زره افغانیو په لګښت جوړ شوی دی .
دغه وزارت وایی چې د دغه کانال په جوړېدو سره څه ناڅه ٥٠٠ جریبه کرنیزه ځمکه خړوبېږي .
بزګران د دغه کانال له جوړېدو خوشحاله دي او وایی د کافي اوبو په واک کې لرل د دوی د کرکیلې او کار د سمون سبب کېږي .
سعیده
