په قندهار کې په لسګونو تنه وسله وال طالبان دهېواد دهوايي ځواکونو په بريدونوکې ووژل شول .

کابل باختر د غبرګولي  نولسمه :
په قندهار کې په لسګونو تنه وسله وال طالبان دهېواددهوايي ځواکونو په نويو بريدونوکې ووژل شول .
په دغو طالبانو له تيرې شپې څخه  تر نن سهار پورې  دميوند ، خانشين ، شاه ولي کوټ او خاکريز دولسواليو په ځينو برخو کې بريدونه وشول .
  دهېواد په جنوب کې دملي اردو يوه جکپوړي قوماندان دباختراژانس خبريال ته وويل چې په دغه هوايي  بريدونوکې  شپږپنځوس تنه طالب ډار اچوونکي ووژل شول او په لسګونو  تنه نور طالبان ټپيان شول .
په وژل شويو او ټپيانو کې بهرني ډار اچوونکي او دغه راز دطالبانو سيمه ئيز قوماندانان شامل دي .
دملي اردو دغه قوماندان وايي چې په دغو بريدونوکې د طالبانو څو مرکزونه له ټولو جنګي وسايلو سره دړې وړې شوي دي .
ديوبل خبرله مخې، په قندهار ولايت کې ديولړ  چاودنو مخه ونيول شوه .
امنيتي مامورانو نن سهار اته ماينونه دقندهار په  ګڼ ميشتو لارو کې کشف او شنډ کړل .
  ختم_ سعيده _ اکرم