کابل / د مرغومي ۳ مه / باختر
په قندهار کې د وسله والو طالبانو په توغنديز بريد کې دوه ماشومان ټپيان شول.
دغه پېښه تېره شپه په ارغنداب ولسوالۍ کې هغه وخت رامنځته شوه چې وسله والو طالبانو د استوګنې پر يوې سيمې توغندیز بريد وکړ.
د قندهار د امنيې قوماندانۍ يوه مقام باختر آژانس ته وويل چې يو توغندى پر يو کور ولګېد چې دوه ماشومان يې ټپيان کړل.
هغه وسله وال طالبان د پېښې عاملین وبلل، خو وسله والو طالبانو تراوسه په دې اړه څه نه دي ويلي.
پاى \ ج\ ذ
