کابل/ د وري ۱۸ مه/ باختر
صفر درې قطعې د قندهار په شپږمې او اتمې ناحیو کې د شپینو عملیاتو پر مهال درې وسله وال طالبان نیولي دي.
په قندهار کې له صفر درې قطعې څخه په خپره شوې خبرپاڼه کې ویل شوي چې تېره شپه یې د دغه ولایت په شپږمې او اتمې ناحیو کې عملیات ترسره کړي چې په پایله کې یې درې وسله وال طالبان نیول شوي دي.
وسله والو طالبانو په دې اړه څه نه دي ویلي.
د یو بل خبر له مخې؛ نن له غرمې مخکې پر قندهار ښار درې توغندي توغول شوي چې له امله یې یوه میرمن او یو ماشوم ټپيان شوي دي.
دا په داسې حال کې ده چې درې ورځې وړاندې هم پر قندهار ښار توغندي توغول شوي و؛ خو ځاني تلفات یې نه لرل.
پای/وصال
