قندهار باخترد زمري د میاشتې ۲۴ مه
د قندهار د روغتيايي علومو په انستیتيوت کې د جذب په موخه له شاوخوا ۱۵۰۰ نارينه او ښځينه زده کوونکو څخه ازموینه واخیستل شوه.
د قندهار والي زلمي وېسا باختر اژانس ته وویل چې ولایتي اداره هڅه کوي څو د دغه ولايت ځوانانو ته په هره برخه کې د زده کړو زمينه برابره کړي،چې ژوندۍ بېلګه يې دغه ازموينه ده.
د قندهار د عامي روغتیا سرپرست رېیس محمد عظیم زمریال وویل د روغتیایي علوموانستيتيوت یوازې د ۱۵۰ تنو زده کړيالانو د جذب ظرفیت لري چې پاتې نورو ته به هم په خصوصي پوهنتونونو کې د زده کړو زمينه برابره کړي.
