قندهار باختر دچنګاښ دمياشتې ١٣ :
اته تنه وسله وال طالبان په قندهار ولايت کې د نويو نښتو په بهيرکې ووژل شول.
دغه طالبان نن سهار په ارغنداب ولسوالۍ کې هغه وخت ووژل شول چې غوښتل يې د پوځيانو د سپرلۍ په کاروان بريد وکړي.
د افغانستان په جنوب کې د ملي اردو يو قوماندان د باختر آژانس خبريال ته وويل چې په دې نښته کې د دوو پاکستانيانو په ګډون اته تنه وسله وال طالبان ووژل شول.
ده وويل: دغه طالبان مخکې له دې چې دپوځيانو په کاروان بريد وکړي، د پوځيانو له خوا پرې ډزې وشوې .
ويل کيږي چې په دې نښته کې سرتيرو او د سيمې خلکو ته زيان نه دى اوښتى.
