په فراه کې دياغيانو د دريو تنو قوماندانانو وژل کېدل
کابل –باختر دتلې ١٨
د وسله والو طالبانو د دريو تنو قوماندانانو په ګډون يوولس تنه وسله وال طالبان په فراه ولايت کې له پوليسو سره په نښته کې ووژل شول.
دفراه د والي ويندوى عبدالرحمن ژوندى باختر آژانس ته وويل چې دغه جګره پرون دبالابلوک ولسوالۍ په شيوان سيمه کې له هغې وروسته ونښته چې وسله والو طالبانو په دې ساحه کې پر امنيتي پوليسو دبريد نيت درلود.
يوه اړونده خبرځاى وويل: په دې نښته کې د وسله والو طالبانو د دريو تنو قوماندانانو ملاجمعه ،ملا رحم الدين او ملافيروز په ګډون يوولس تنه وسله وال طالبان وژل شوي او اته تنه نور ټپيان شوي دي.
په دې نښته کې ددښمن يوه اندازه جنګي وسايل دولتى ځواکونو لاس ته ورغلي دي. خبرځاى زياته کړه چې په دې پيښه کې امنيتي ځواکونو ته زيان نه دې اوښتې.
