کابل- باختر دکب دمياشتې ٥
په فراه ولايت کې نن نهه ټولګټې پروژې دکليو د بياجوړولو او پرمختيا رياست
له خوا بشپړى او ګټې اخستنې ته وسپارل شوې .
دغه پروژې دفراه ولايت دپشت رود او بالابلوک په ولسواليو کې تطبيق شوي دي .
دفراه ولايت دکليو دبياجوړولو او پراختيا رييس انجنير عبدالروف باختر آژانس ته وويل په دغو پروژو کې په پشت رود ولسوالۍ کې دشپږو بندونو جوړول او په
بالابلوک ولسوالۍ کې د دوو ټولنيزو مرکزونو جوړول او د يوه جومات ترميمول شامل دي .
ده زياته کړه ، دغه پروژې دخلکو له خوا پيشنهاد شوې وې او څلور مليونه افغانۍ پکې لګيدلې او دفراه ولايت انکشافي شورا له خوا عملي شوې دي .
انجينير عبدالروف وويل : له دغو پروژو څخه ددغو دوو ولسواليو څه ناڅه پنځوسو زرو تنو اوسيدونکو ګټه اخستې ده.
