امنیت

په فارياب کې يووسله وال طالب ووژل شو او يو بل طالب ټپى شو .

کابل باختر د مرغومي  درې ويشتمه :
يوه وسله وال طالب  تيره شپه  دفارياب ولايت په مربوطاتو کې  ووژل شو ، يوتن ټپي  او يوبل طالب دپوليسو  دځواکونو له خوا ونيول شو .
دګرزيوان  ولسوال  عبدالرزاق کاکړ دباختراژانس خبريال ته وويل دغو کسانو ته  هغه وخت  مرګ ژوبله واوښته  چې يوې ډلې  وسله والو طالبانو  دګرزيوان ولسوالۍ  په  کوکي  کلي کې  دپوليسو  په امنيتي پوستې  بريد وکړ .
  يوه اړونده خبرځاى وويل له طالبانو سره دامنيتي ځواکونو په نښته کې  په دغې ولسوالۍ کې  دوسله والو طالبانو دډلې دتش په نامه قوماندان ملا شعيب  يو غړى  ملا باز محمد  ووژل شو  چې مړه يې  له يوې  وسلې سره  دامنيتي ځواکونو لاس ته ورغلى  دى چې مړي يې وروسته  خپلوانو ته يې  وسپارل شو .
خبرځاى زياته کړه  دغه راز دوه تنه نور طالبان ټپيان شول  چې يو ټپي طالب  دپوليسو له خوا نيول شوى او ددرملنې لپاره  روغتون ته ليږدول شوى دى .
  داپه داسې حال کې ده چې دوه شپې مخکې هم  دقيصار ولسوالۍ  په تګاب  ايرک ساحه کې په يوې امنيتي پوستې دوسله والو طالبانو  په بريد کې  دعبدالشکور په نامه يو وسله وال طالب  وژل شوى و .  

نور ښکاره کړئ

اړونده مقالې

بیرته پورته تڼۍ ته