کابل باختر د وري شپږ ويشتمه :
ناپيژاندو وسله والو کسانو پرون په فارياب ولايت کې يوه ښځه ووژله .
د فارياب ولايت دامنيې قوماندانۍ دمطبوعاتو مسوول عبدالکريم يورش باختراژانس ته وويل دغه ميرمن په ميمنې ښار کې په خپل کور کې د تومانچې په ډزو سره وژل شوې ده او قاتلين له ساحې څخه تښتيدلي دي .
ويل کېږي چې دغه ښځه د فارياب ولايت د ازادۍ مطبعې د مدير ميرمن وه .
خبرځاى زياته کړه د دغې وژنې انګيزه تر اوسه پورې روښانه نه ده خو پوليسو په دې باب څېړنې پيل کړي دي .
په فارياب ولايت کې د بشر د حقوقو د خپلواک کميسيون د ولايتي دفتر استازي سيد حفيظ الله فطرت د دغې وژنې له امله د انديښنې په څرګندولو سره وويل چې له تېرکال څخه تراوسه پورې د ښځو د ځان وژنې لس پيښې په دغه ولايت کې ثبتې شوي دي . ختم_ ج _ اکرم
