کابل باختر د تلي دمياشتې ١٧ :
د وسله والــــو طالبانو د ډلې د يوه سيمه ييز قوماندان په ګډون شپږ تنه وسله وال طالبان په فارياب ولايت کې له پوځيانو سره د نښتې په بهېر کې ووژل شول .
دغه جګړه تيره شپه په پښتون کوټ ولسوالۍ کې رامنځته شوه .
دغه جګړه په ښکاره له هغه وروسته ونښته چې په لسګونو تنو تروريستانو په څو امنيتي پوستو بريدونه وکړل.
په فارياب ولايت کې د ملي اردو د لومړۍ لوا وياند جګړن ر ضا رضايي باختر آژانس ته وويل : چې په دې نښته کې شپږ تنه تروريستان ووژل شول.
ده وويل چې په دې پيښه کې پوځيانو او ملکي وګړو ته زيان نه دى اوښتى.
