په غور کې ۵۰ قومي شخړو ته د پای ټکی کېښودل شو
کابل، د کب ۱۵ مه، باختر
د غور د سیمه ییزې ادارې مسوولینو په یاد ولایت کې د پنځوسو قومي شخړو د حل کولو خبر ورکړی دی.
د غور د والي ویاند شیخ مولوي عبدالواحد حماس د باخترآژانس خبریال ته ویلي چې په هېواد کې د اسلامي امارت له بریا وروسته د قومي اختلافاتو د حل کمېټې په جوړېدو سره د خلکو ترمنځ ۵۰ بېلا بېلې قومې شخړې حل کړې دي.
د نوموړي په وينا، دغه اختلافات په تېرو ۲۰ کلونو کې زيات شوي وو او له دې کبله سلګونه کسان بېځایه او قرباني شوې دي.
