په غور ولايت کې دملي پيوستون دپروګرام څه دپاسه درې سوه ټولګټو پروژو کار پيل شو .

کابل باختر دلړم ديارلسمه
دڅه دپاسه يوسلو  ديرشو مليونو افغانيو په لګښت ملي پيوستون  دپروګرام د ٣٠٧ ټولګټو  پروژو کار په دې وروستيو وختو کې په غور ولايت کې پيل شوى دى.
دکليو دبيا جوړولو او پراختيا وزارت داطلاعاتو اوعامه اړيکو رياست باختراژانس ته خبرورکړ: ددغو پروژو کار دغور ولايت په مرکز  چغچران ښار او ددوولينه ولسوالۍ په مربوطاتو کې پيل شوي دي  چې  داوبو لګولو دکانالونو  ترميمول او پاکول ، دبندونو ، دکرنيزو اوبو دزيرمو ،سړکونو ،  پلګوټو ، سطحي معبرونو او د محافطوي ديوالونو جوړول ، داوبو لګولو او داوبو رسولو دشبکو ترميمول او غځول ، دسړکونو ترميمول  او کريړ اچول  داوبو بريښنا  دکوچنيو شبکو ترميمول او د څښاک دروغتيايي  اوبو دڅاه ګانو  کيندل شامل دي .
ديادونې وړ ده چې ددغو پروژو دکار له پيل کيدو سره جوخت ٤٢٦٣٥ تنو ته دلنډ مهال لپاره  دکار زمينه برابره شوې ده .