په شبرغان کې نوى کال د روزشي سياليو په ترسره کولو سره ونمانځل شو .

کابل باختر د وري  څلورمه :
د وزلوبې  ، اوښ ځغلونې او غېږې نېونې سيالۍ  پرون په شبرغان کې د نوي کال په وياړ ترسره شوې .
دغه سيالۍ د شبرغان ښار د خراسان پله په ورزشي  لوبغالي کې د جوزجان د زرګونو تنو اوسيدونکو په ګډون ترسره شوې .
د باختراژانس د سيمه ييز خبريال دخبرله مخې په دغوسياليو کې د بلخ ، فارياب ، سرپل ، تخار او د سمنګانو د ولايتونو ورزشکارانو ګډون کړى و .
د جوزجان والي مولوي لطف الله عزيزي خلکو ته د نوي کال په مبارکې  سره  له ډار اچوونکو ډلو څخه وغوښتل چې د سولې له بهير سره يوځا شي او خلکو ته د ارامۍ په راوړلو او د هېواد په بيا رغاونه کې ونډه واخلي .
د جوزجان اوسيدونکو د دغو ورزشي سياليو د ترسره کولو په هرکلي سره له مرکزي حکومت څخه وغوښتل چې د تفريحي ځايونو امنيت تامين کړي څوخلک وکولاى شي له اندېښنې پرته تفريح  وکړي . ختم _ سعيده _ اکرم