په سمنګانو کې له زرو کورنيو سره مرسته وشوه .
کابل باختر د وري ديارلسمه :
په سمنګانو ولايت کې پرون څه ناڅه زرو بې وزلو کورنيو خوراکي توکي ترلاسه کړل .
د سمنګانو ولايت له طبيعي پيښو سره د مبارزې رييس رجب علي يوسفي باختراژانس ته وويل چې په ايبکو ښار کې په يوزرو دوه سوه بې وزلو کورنيو د قزاقستان له خوا مرسته شوي خوراکي توکي وويشل شول .
يوسفي زياته کړه په هرې کورنۍ سل کيلوګرامه اوړه ، نهه ويشت قطۍ غوښه او يوه اندازه چاى او بوره وويشل شول .
سرچينه زياتوي چې له اړو کسانو سره د دغومرستو بهير دوام لري .
ختم_ ج _ اکرم
