په سمنګانو کې دترافيکي پيښې له امله دوه تنه ووژل شول .

کابل باختر دلړم  دمياشتې  څلورمه :
په سمنګانو ولايت کې ديوې ترافيکې پيښي له امله دوه تنه ووژل شول .
دسمنګانوولايت دترافيکومدير سمونوال عبدالقديرپنجشيري دباخترآژانس خبريال   ته وويل : دغه پيښه نن سهاردايبکو- مزا رشريف دلويې  لارې په اوږدوکې دلرغان په نامه ساحه کې چې دسمنګانو ولايت دمرکزايبکوښارته  نږدې لس کيلومتري واټن کې موقعيت لري له يوه موټرسايکل سره د فرونرموټردټکرله امله رامنځته شوه چې له امله يې دموټر يوه سپرلۍ اودموټرسايکل چلوونکى ووژل شول .
دسمنګانو ولايت دترافيکومدير چې په خپله يې دغه  پيښه څيړلې ده وايي ترافيکي قانون اوقواعدوته دوسايطو دچلوونکو نه پاملرنه ، دسړک دسور  کمښت او دغه راز په دې  لويه لاره کې دليږدونکو وسايطو ګڼه ګوڼه ددغه شان سختو ترافيکي پيښو سبب کيږي .