کابل /باختر دسلواغې دمياشتې ١٩نيټه :
په سرپل ولایت کې د هاوان د یوې سرګلولې د چاودنې له امله یوه نجلۍ ووژل شوې او یو هلک سخت ټپي شوی دی.
د سرپل د والي ویاند ذبیح الله اماني وویل چې دغه چاودنه پرون مازیګر د سرپل ښار مرکز ته څېرمه په سید اباد کلي کې رامنځته شوې ده .
ده زیاته کړه: په دې پېښه کې د آمنې په نامه یوه ١٠ کلنه نجلۍ مړه شوې او یو هلک چې څه ناڅه ١١ کاله عمرلري، دواړه پښې یې پرې شوې او ټپي دی.
د اماني د څرګندونوله مخې، د هاوان دغه سرګلوله هغه وخت وچاودېده چې دغه هلک او نجلۍ ورسره لوبې کولې .
پاى ذکرالله
