په سرپل کې د١٤ تنو ډاراچوونکو وژل کيدل
سرپل باختر دوري دمياشتې ١٧ نيټه :
څوارلس تنه وسله وال ډار اچوونکي پرون د سرپل ولايت په ګوسفندي ولسوالۍ کې ووژل شول .
د ٢٠٩ شاهين قول اردو وياند جګړن محمدحنيف رضايي دباخترآژانس خبريال ته وويل ؛ دغه ډاراچوونکي د وليد_٣ د عملياتو په دوام د دغه ولايت دګوسفندي ولسوالۍ په شيرمونو سيمه کې له پوځيانوسره په نښته کې ووژل شول.
په دې پيښه کې شپږ تنه نور ډار اچوونکي ټپيان شوي او يوولس کلي هم د ډار اچوونکو له شتون څخه پاکې شوې. پاى ذکرالله
