کابل باختر دزمري اووه ويشتمه :
په روزګان ولايت کې دماين دچاودنې له امله دوه تنه ماشومان شهيدان شول .
دغه بيګناه ماشومان نن سهار د روزګان ولايت په دهرواد ولسوالۍ کې دوسله والو طالبانو له خوا دښخ کړى شوي ماين دچاودنې له امله شهيدان شول .
دافغانستان په جنوب کې دملي اردو يوه جپګوړي قوماندان باختراژانس ته وويل چې په دې چاودنه کې دوه تنه ماشومان شهيدان شوي دي .
ده وويل دغه ماشومان په خپلو ماشومانه لوبو بوخت و چې په سړک کې دښخ کړى شوي ماين دچاودنې له امله شهيدان شول .
ده وسله وال طالبان ددغې پيښې عامل وبلل او ويې ويل چې ددغې پيښې دعاملانو دپيژندنې او نيولولپاره هلې ځلې پيل شوي دي .
