کابل باختر د کب دمياشتې ١٥ :
دتخارولايت په درقد ولسوالۍ کې په تيرو دريو ورځو کې طالبان دافغان امنيتي ځواکونو له سخت مقاومت سره مخامخ شوي دي.
د تخار ولايت د والي مرستيال محمدفريد ذکي چې امنيتي ځواکونو ته دروحيې د ورکولو په موخه يې هلته سفرکړى دى دباخترآژانس خبريال ته وويل ؛ په دغو عملياتو کې افغان دفاعي او امنيتي ځواکونه په دې بريالي شوي دي چې دهېواد او خلکودښمنانو ته غاښ ماتونکى ځواب ورکړي او ښې لاسته راوړنې ولري.
دغه راز د تخارولايت امنيه قوماندان فقيرمحمد جوزجاني او د تخار دملي امنيت رئيس جنرال ګلستان صديق وايي ؛ امنيتي ځواکونوپه ګډې همغږۍ سره وکولاى شول په ينګي قلعه ، خواجه بهاوالدين او درقدر ولسواليو کې څه دپاسه ديرش کلي دطالبانو له شتون څخه پاک کړي او مخالفينو ته دسر دروند زيان واړوي .
دغه مسوولين زياتوي چې دامنيتي ځواکونو په دغو ګډو عملياتو کې څه دپاسه اته تنه وسله وال مخالفين وژل شوي او اوولس تنه نور يې ټپيان شوي دي.
