شبرغان/ باختر دزمري دمياشتې ١٦ :
د نشه يي توکو درې تنه قاچاق وړونکي تېره شپه په جوزجان ولايت کې ووژل شول او يو ټن نشه يي توکي د پوليسو لاسته ورغلي دي.
د جوزجان ولايت د امنيې قوماندانۍ وياند باختر آژانس ته وويل: څو تنو ناپيژاندو کسانو د څه د پاسه يو ټن نشه يي توکي د ليږدونې په وخت کې د خواجه دوکوه ولسوالۍ او د ليلي دښتې په سيمه کې جګړه وکړه چې درې تنه يې ووژل شول او کله چې پوليس ساحې ته ورسيدل، قاچاق وړونکي له ساحې څخه وتښتيدل او نشه يي توکي د پوليسو له خوا ضبط شول.
