په جلال اباد کې ديو خصوصي روغتون فعاليت د دريو شنو ونو دغوڅولو په دليل بند کړى شو .

کابل باختر د وږي اوولسمه :
په ننګرهار ولايت کې  ديو خصوصي روغتون دروازه ددغه روغتون ديو مسوول له خوا  ددريو شنو ونو د غوڅولو په غبرګون کې وتړل شوه .
سيمه ئيز مسوولين وايي دظاهر خصوصي روغتون مسوولينو دجلال اباد ښار په لومړى ناحيه کې ددغه روغتون په وړاندې ددرې شنې او لوړې ونې  غوڅې کړې .
دواټونو له دواړو خوا څخه دونو غوڅول  چې ددولت ملکيت بلل کېږي جرم ګڼل کېږي .
دننګرهار دوالي وياند عطاالله خوږياڼي باختراژانس ته وويل چې دغه روغتون  د ننګرهار دوالي حيات الله حيات په لارښوونه تړل شوى دى .
خوږياڼي وويل  چې له شنو ساحو او د دولت  له نوروملکيتونو څخه دشنو ونو غوڅول  جرم بلل کېږي .
سيمه ئيزو مسوولينو په دې باب چې ددغه روغتون خاوند به تر زياتې قانوني څارنې لاندې ونيول شي  که څنګه .؟ څه نه دي ويلي .
  ختم_ ج _ اکرم