په تخار کې شپږ جوماتونه جوړ شول .
کابل باختر دوري دولسمه :
په تخار ولايت کې پرون شپږ جوماتونه جوړ او ګټې اخيستنې ته وسپارل شول.
دغه جوماتونه د دغه ولايت د حج او اوقافو رياست له خوا د دغه ولايت مرکزاو ولسواليو کې جوړ شوي دي .
د تخار والي ډاکټر فضل الله مجددي د باختراژانس خبريال ته وويل چې دغه جوماتونه د حج اوقافو وزارت له بودجې د څلور سوه زره امريکايي ډالرو په لګښت د فرخار ، خواجه بهاوالدين او بهارک په ولسواليو کې او دغه راز د دغه ولايت په مرکز تالقانو ښار کې په پاخه اواساسي ډول سره جوړ شوي دي .
ختم_ سعيده _ اکرم
